Available courses

ບົດສອບເສັງຈົບຫຼັກສູດນັກກວດສອບຂັ້ນ 2

ການນຳໃຊ້ປັນຍາປະດິດ (AI) ເຂົ້າໃນໃນວຽກງານກວດສອບ

ການນຳພາຄະນະກວດສອບ

ຈຸດປະສົງລວມຂອງວິຊານີ້ແມ່ນເພື່ອເສີມສ້າງຄວາມສາມາດຂອງຜູ້ເຂົ້າຮ່ວມຝຶກອົບຮົມ ໃນການນໍາພາຄະນະກວດສອບໃຫ້ບັນລຸຄຸນນະພາບສູງສຸດ ແລະ ຮັກສາຄວາມໜ້າເຊື່ອຖືຕາມມາດຕະຖານສາກົນ ແລະ ບໍລິບົດຂອງ ສປປ ລາວ.
ເມື່ອສໍາເລັດການຝຶກອົບຮົມ, ຜູ້ເຂົ້າຮ່ວມຄວນຈະສາມາດ:
 
1. ການນໍາພາ ແລະ ຄຸນລັກສະນະຫຼັກ
1.1. ຈໍາແນກ ແລະ ສະແດງອອກເຊິ່ງຄວາມເປັນຜູ້ນໍາ: ຈໍາແນກຄວາມແຕກຕ່າງລະຫວ່າງບົດບາດຂອງ "ຜູ້ນໍາ" (ສຸມໃສ່ການສ້າງວິໄສທັດ ແລະ ແຮງບັນດານໃຈ) ແລະ "ຜູ້ຈັດການ" (ສຸມໃສ່ການປະຕິບັດຕາມຂະບວນການ) ໃນສະພາບການກວດສອບ.
1.2. ປະຕິບັດຕາມຫຼັກການຫຼັກ: ລະບຸ ແລະ ສະແດງອອກເຊິ່ງຄຸນລັກສະນະການນໍາພາທີ່ສຳຄັນທີ່ສຸດໃນວຽກງານກວດສອບ, ໂດຍສະເພາະ: ຄວາມຊື່ສັດສັດຈະລິດ (Integrity) ແລະ ຄວາມກ້າຫານ (Courage) ເພື່ອລາຍງານຂໍ້ຄົ້ນພົບທີ່ບໍ່ເປັນທີ່ພໍໃຈຕໍ່ຜູ້ບໍລິຫານລະດັບສູງ.
1.3. ປັບປ່ຽນຕົວແບບການນໍາພາ: ນຳໃຊ້ຫຼັກການຂອງທິດສະດີການນຳພາຕາມສະຖານະການ (Situational Leadership) ເພື່ອປັບປ່ຽນຮູບແບບການນຳພາ (ເຊັ່ນ: Transformational, Transactional, Democratic) ໃຫ້ເຂົ້າກັບໄລຍະຂອງວຽກງານກວດສອບ ແລະ ຄວາມສາມາດຂອງສະມາຊິກທີມ.
1.4. ບໍລິຫານພາວະສອງຝັ່ງ: ບໍລິຫານຈັດການພາວະສອງຝັ່ງ (Paradoxes) ທີ່ສັບສົນໃນການກວດສອບ, ເຊັ່ນ: ການດຸ່ນດ່ຽງລະຫວ່າງຄວາມຕ້ອງການ ການຄວບຄຸມ ຄຸນນະພາບຢ່າງເຂັ້ມງວດ ແລະ ການມອບອຳນາດ ໃຫ້ທີມງານຄິດວິເຄາະຢ່າງເປັນອິດສະຫຼະ.
 
2. ການຄຸ້ມຄອງຄຸນນະພາບ ແລະ ການທົບທວນຄືນ
2.1. ເຂົ້າໃຈລະບົບຄຸ້ມຄອງຄຸນນະພາບ: ອະທິບາຍຄວາມແຕກຕ່າງລະຫວ່າງ ການຊີ້ນຳ-ນຳພາ (Supervision), ການທົບທວນຄືນ (Review), ແລະ ການຕິດຕາມກວດກາ (Monitoring) ແລະ ເຂົ້າໃຈໂຄງຮ່າງຂອງລະບົບການຄຸ້ມຄອງຄຸນນະພາບການກວດສອບ (SoAQM).
2.2. ກໍານົດຄວາມຮັບຜິດຊອບ: ລະບຸຄວາມຮັບຜິດຊອບຂອງຫົວໜ້າຄະນະກວດສອບ, ຜູ້ຊີ້ນໍາ, ແລະ ນັກກວດສອບໃນການຮັບປະກັນຄຸນນະພາບ, ໂດຍເນັ້ນໜັກເຖິງການທົບທວນວຽກງານຂອງຕົນເອງ (Self-review) ກ່ອນສົ່ງໃຫ້ຜູ້ຊີ້ນໍາ.
2.3. ປະຕິບັດການທົບທວນທີ່ສຳຄັນ: ດໍາເນີນການທົບທວນຢ່າງເຂັ້ມງວດໃນໄລຍະການວາງແຜນ, ໂດຍສະເພາະການກວດສອບຄຸນນະພາບຂອງການປະເມີນຄວາມສ່ຽງ ແລະ ຄວາມເໝາະສົມຂອງມາດຖານກວດສອບ, ເຊິ່ງເປັນຈຸດຄວບຄຸມຄຸນນະພາບທີ່ສໍາຄັນທີ່ສຸດ.
2.4. ຮັບປະກັນຫຼັກຖານທີ່ພຽງພໍ: ທົບທວນເອກະສານຫຼັກຖານການກວດສອບ (working papers) ຢ່າງທັນການ ເພື່ອຮັບປະກັນວ່າຫຼັກຖານທີ່ເກັບກໍາມານັ້ນມີ "ຄວາມພຽງພໍ" (Sufficient) ແລະ "ເໝາະສົມ" (Appropriate) ເພື່ອສະໜັບສະໜູນຂໍ້ຄົງຄ້າງ ແລະ ຂໍ້ສະຫຼຸບ.
 
3. ການປະເມີນ ແລະ ການສ້າງມູນຄ່າ
3.1. ປະເມີນຫຼັກການວິຊາຊີບ: ປະເມີນການປະຕິບັດງານຂອງທີມງານກວດສອບໃນສີ່ດ້ານຫຼັກຄື: ກົດຈັນຍາບັນ, ການກະກຽມ (ວາງແຜນ), ການດໍາເນີນການ, ແລະ ການສະຫຼຸບຜົນ/ການລາຍງານ.
3.2. ນຳໃຊ້ເຄື່ອງມືການປະເມີນ: ນຳໃຊ້ໂຄງການຮັບປະກັນ ແລະ ປັບປຸງຄຸນນະພາບ (QAIP) ແລະ ຕົວຊີ້ວັດການປະຕິບັດງານຫຼັກ (KPIs) (ເຊັ່ນ: ອັດຕາການຈັດຕັ້ງປະຕິບັດຂໍ້ສະເໜີແນະ) ເພື່ອວັດແທກປະສິດທິຜົນ ແລະ ຜົນກະທົບຂອງວຽກງານກວດສອບ, ໂດຍເນັ້ນໃສ່ ຄຸນນະພາບ ຫຼາຍກວ່າ ປະລິມານ ຂອງຂໍ້ກວດພົບ.
3.3. ແກ້ໄຂບັນຫາຈັນຍາບັນ: ວິເຄາະສະຖານະການທີ່ມີຄວາມຂັດແຍ້ງທາງຈັນຍາບັນທີ່ອາດຈະເກີດຂຶ້ນ (ເຊັ່ນ: ຄວາມຂັດແຍ້ງທາງຜົນປະໂຫຍດ ແລະ ແຮງກົດດັນຈາກຄະນະຄຸ້ມຄອງ) ແລະ ກໍານົດການຕັດສິນໃຈທີ່ຖືກຕ້ອງຕາມຫຼັກການວິຊາຊີບ

ບົດສອບເສັງ ຈົບຫຼັກສຸດ ຂັ້ນ 1 ຊຸດ 7

ຈັນຍາບັນນັກກວດສອບແຫ່ງລັດ

ຫົວຂໍ້: ການປະຕິບັດຈັນຍາບັນການກວດສອບພາກລັດ: ຫຼັກການ ແລະ ການນຳໃຊ້ຕາມມາດຕະຖານ ISSAI

ເປົ້າໝາຍ: ເພື່ອຮັບປະກັນວ່າຜູ້ເຂົ້າຮ່ວມຝຶກອົບຮົມທຸກຄົນ ມີຄວາມເຂົ້າໃຈ ແລະ ສາມາດປະຕິບັດຕາມຄຸນຄ່າຫຼັກ ແລະ ຫຼັກການດ້ານຈັນຍາບັນຕາມທີ່ກຳນົດໄວ້ໃນ ISSAI 130 ແລະ ຫຼັກການທີ່ກ່ຽວຂ້ອງຂອງ ISSAI, ເພື່ອເສີມສ້າງຄວາມໜ້າເຊື່ອຖື ແລະ ຄວາມເປັນມືອາຊີບຂອງອົງການກວດສອບສູງສຸດ (SAI).


ການນຳໃຊ້ ປັນຍາປະດິດ ເຂົ້າໃນການກວດສອບ

ການນຳໃຊ້ ປັນຍາປະດິດ ເຂົ້າໃນການກວດສອບ